''Tara na sa Pinas: Bulkang Mayon"

"Tara na sa Pinas: Bulkang Mayon"

Isinulat ni: Arlene Rivera

Tayo bilang mga tao, hindi maiiwasan ang paghahanap ng aliw sa ating buhay. Bata pa lamang tayo ay pinapangarap na natin nakapunta sa iba't-ibang lugar, sa sariling bansa man natin o sa ibang bansa. Ninanais din natin na mapuntahan 'yung mga nakikita natin o napapanood sa telebisyon  para ba tayong mga bata na sabik na sabik gumala at magsaya. Isama pa natin ang mga barkada natin na sobrang 'excited' sa pagliliwaliw, iyon bang madaming pinaplano. Pinag uusapan kung magkano ang magagastos o budget, maganda ba ang view? Masasatisfy  ba ang mga gusto?

Isa sa hindi ko malilimutan ay ang pagpunta ko kasama ang aking mga barkada sa Legazpi, Albay kung saan ay doon matatagpuan ang buklang mayon. Maraming turista ang nahuhumaling dito lalo na sa taas at perpektong hugis kona nito. Sa pamamasyal namin mabuti't maganda ang panahon at kasabay din ng araw na iyon ay nagpic-nic kami habang tanaw-tanaw ang magandan tanawin. Syempre di lang ako at ang mga kaibigan ko ang nagsasaya sa magandang tanawin pati na rin ang mga turista na nanggaling pa sa ibang lugar at ibang bansa. May mga kumukuha ng litrato, nagiikot-ikot, syempre di ako at mga barkada ko papahuli sa pagkuha ng litrato, kuha dito, kuha doon, tapos kaniya-kaniyang pose para lang may maiupload sa sosyal media, ako nagpakuha ng litrato kung saan doon makikita na parang buhat-buhat ko ang bulkang mayon. Habang ako'y naglilibot ng tingin at kumukuha ng litrato ay napansin ko ang mga naggagandahang halaman sa paligid ng bulkan, mga punong naglalakihan at ang taas ng bulkan na para bang abot hanggang langit, isama ko pa ang sariwang hangin na dumadampi sa aking pisngi. Pagkatapos ng pamamasyal ko at ang aking mga barkada sa bulkan mayon ay sumunod naman ang mga lugar sa Legazpi kung saan ay talagang napaka ganda ng paligid, ang mga taong nakasalamuha mo ay napakabait 'yun bang an init ng pagtanggap sa amin at sa ibang mga bumibisita. Kakaiba talaga ang Legazpi, Albay at ang bulkang mayon.

Sulit ang bakasyon ko at ng mga kabarkada ko, madami akong natutunan at natuklasan tungkol sa bulkang mayon. Madami akong nakilala at nakasalimuha. Hindi ko malilimutan ang bulkang mayon bagkus magsisilbi itong mga ala-ala sa akin lalo na't may mga "souviner" at picture ako. Ito'y dadalhin ko hanggang sa pagtanda ko at malay natin na makakabalik ako ulit doon at sa pagbabalik ko baka malaki na ang pinagbago nito at marami ng turista ang dinarayo ang bulkang mayon. Sulit talaga ang pamamasyal ko kahit na medyo nabutas ang bulsa. "It's more fun talaga dito sa Pilipinas", nakakaproud na may ganito ang Pilipinas, nakakaproud maging Pilipino. Kaya, tara na sa Pinas!